أشعار قصيرة مختارة من (بنت بنغازي)

أشعار قصيرة (بنت بنغازي)

أشعار قصيرة
1. هاج البحر ينشد الغالي وينه ..قتله رحل بان الزعل في عينه ..بقي خاطري متكدر ..لونه تغير والكلام تعدر.. ترابه ارقي للسطح صار يهدر.. وهدت امواجه لين طقت فينا جيت للبحر بنخبر.. بللي جري بالك عليا يدبر.. هو ارقي وناقعدت انصبر.. ونقوله بكره العزيز يجينا.

2. جاوب يابحر.. في ما فات شاكيتك بسر.. ساكت ليش جاوب ياغريق.. واحكي وين شالوه العشيق عندي عقل من قل الرفيق الساعة عام فحسابه اتمر وعندي فكر ذاهب فالطريق ابقي محتار مو عارف ايمر وعندي عزم ماينفع رقيق لو حمال لا عمره صبر وعندي نفس خانقها الضيق دال الياس غير وين المفر.

3. عندك علم فى عمري الوحيد.. أنت وبس والباقى افداك.. عندك علم من جد وجديد أنغالي فيك وانجدد هواك ..وعندك علم كي تبقى بعيد ايزيد امعاي سبحانه غلاك.

4. اللي حسبتهم ليا زمان اصحاب تمو سبايب عيشتي فى عذاب ماريت فى ذنواهم غير مرض ياسر من كثير خطاهم اللى نحساب همى ينفرج بلقاهم جو كلهم ضدي من غير حساب وبايت عليا اليوم سود نواهم كيف ماتلون ريش كل غراب .

5. لا كل من داوى ايحيد العله .. ولا كل متعلم يرد سؤال .. ولا كل مسلم فى الجوام صلى .. عليه ربنا غافر اذنوبه شال .. ولا كل من ذاهب النجم ايدله .. ولا كل من يقنص يجيب غزال .

6. تغيرت كنك لا غلا لا حن قول خاطرى جدت عليك جديده ساعة فراغك ماعليا اترن
وداير غلاى اليوم للتكسيده خليتنى مابين شك وظن وعقلى تولع جابها البعيده
غير قولى داير سريب لمن وكم صيد عندك صبت فى تصييده تضحك وعندك فى المشاعر فن ومتلت دورك زين فى التكبيده خليتنى هايم وليك ننجن ونرسم معاك احلامنا السعيده
الله ايسامحك عيونى عليك بكن ومن كتر همى درت هالقصيده.

7. ينسن تعبهن وين ميشوفنك يللي بدلالة يزعلن ويجنك لنضار ياشاغلهن ايجنك طرابة وين ماتغازلهن ويبقن زعالة انكان ماتقابلهن عليك والفن.

8. انت دوا للعين وانت داها وانت سبايب همها وبكاها وانت سبب لوعتها وانت سبب في النار لين كلتها وانت المداوي لو قست حالتها وانت برود النار يا مشكاها.

9. بيناتنا انا والعزيز احكاية .. حكاية ود.. حكايه غرام وشوق مالا حد.. لو نقسمه ع العين توا يسد.. والباقي نحطة في قلوب عدايا.. ولو كان عشقي في الوحوش قعد.. راه الطرايد عايشات هنايا.

10. تضن نقدر ننسي.. ايام حبة اللي في الحشا مندسة.. معروف عندي في الغلا هن خمسة..عيونه ....وزوله.... وغلاه ....وحسة.. والخامسة نجهر نقول انحبه.. لا من توانا في الغرام ودسه.

11. طيح الله سعدك"عزيز فايتك داير حبيب ابعدك".. طيح الله مازالك"الله يفضحك"شين الله خيالك".. عزيز سيبك فاتك وفات اهبالك"وشقابصوب غيرك.. فالغلا واطردك"امغير اطلبه فالليل من نقالك"تلقاه.. انتظار مع جديد بعدك.
تحياتي بنت بنغازي