منتديات سبها

بالجودة بيك هلا والله
كيف حالك واحوالك اتشرفنا بزيارتك
لو كنت مسجل يا مراحب وأن كنت
غير مسجل يشرفنا أنك تنضم الى
اسرتنا

منتديات سبها


 
الرئيسيةس .و .جالتسجيلدخول

شاطر | 
 

 المصائف العائلية !!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لعجيلي
عضو نشيط
عضو نشيط
avatar

انا من : ليبيا
ذكر
العمر : 31
المزاج : خجول
المهنة : مهندس
الهواية : السباحة
عدد المساهمات : 64
تاريخ التسجيل : 06/05/2010

مُساهمةموضوع: المصائف العائلية !!!!!   2010-05-16, 11:33 pm

السلام عليكم
أخوتي أخواتي رواد المنتدى سأطرح اليوم موضوع مهم ومن صلب الواقع
وانتظر تفاعلكم


مع اقتراب فصل الصيف ومثلما تفعل معظم العائلات بالاتجاه صوب البحر
للاستجمام والاستمتاع بمنظر البحر الجميل وهواءه العليل ولكن للأسف الشديد
تبدأ المعاكسات والمضايقات من قبل شبابنا الحبيب الواعي المتعلم فلا يراعون
حرمة العائلات ويتلفظون بأقوال تخدش الحياء فلا يراعون شعور عائلة تجلس
بجوار بعضها أو تسبح مع بعضها البعض وهنا يجب أن أوضح أن بناتنا
الحبيبات لسنّ مقصرات ولا أعمم فهذه ترتدي ملابس لا تستر من جسمها ألا
القليل ناهيك عن إفساح المجال لشعرها بكل حرية وأخرى تترك جلسة عائلتها
وتتمشى لمسافات بعيدة أحيانا بمفردها فيبدأ سيل من المغازلات فهذا يتقرب
ويتودد وأخر يعطي رقم هاتفه النقال وبعض الأخريات تعطي علما لحبيبها بأنها
سوف تذهب للبحر وتخبره في أي مصيف موجودة فأين أنت أيها الأب من كل
هذا وأحيانا تقوم البنت نفسها بإعطاء رقم هاتفها وهذا يحصل كثيرا فمتى سنرقى
ونسموا بأنفسنا عن هذه الصغائر التي ليست من ديننا ولا من تربيتنا.

وننتظر ردودكم


وتقبلوا مروري بفائق الحب والأحترام
الرجوع الى أعلى الصفحة اذهب الى الأسفل
http://sbha.yoo7.com/profile.forum
الساحر
عضو فعال
عضو فعال
avatar

انا من : ليبيا
ذكر
العمر : 31
المزاج : رايق
المهنة : جامعى
الهواية : رياضة
عدد المساهمات : 170
تاريخ التسجيل : 09/12/2009

مُساهمةموضوع: رد: المصائف العائلية !!!!!   2010-05-17, 7:23 pm

ياودى عندك الحق بس مش كل الغلط من الشباب
الغلط الاكبر من البنات لما شاب ايجى جنبها ومايتكلم
تقعد اتسب فيه واتقوله شباب مايتحشم على روحة وقليل ادب
ولما ايقول ليها يامحلى اعيونك ويا سمح ويا قنين خلاص تبدى هى تضحك وتنسجم
وتعد اتبع فيه
ماهو من الاول يا بات العيلة خليك امفتح اعيونك على بناتك واولادك وربيهم صح
الرجوع الى أعلى الصفحة اذهب الى الأسفل
http://sbha.yoo7.com
louly
عضو نشيط
عضو نشيط
avatar

انا من : ليبيا
انثى
العمر : 25
المزاج : مصدوم
المهنة : جامعى
الهواية : المطالعة
عدد المساهمات : 139
تاريخ التسجيل : 05/02/2010

مُساهمةموضوع: رد: المصائف العائلية !!!!!   2010-05-17, 8:11 pm


عفــــوا يا الساحـــــر نعترض على رأيك

مش كل البنات هكي ومش الغلط الاكبر عليهم

مرات يكون الغلط من الشاب ومرات من البنت

في بعض من البنات زي اللي قلت عليهم ... بس ما اعتقد لهدرجة

وفي بنات يمشو محترمات ومستورات وماشاء الله عليهم

بس الشباب مش مخلين لاهذي ولاهذي .... وطبعا مش كلهم

واكيد في غلط من العلية من ناحية ان البنت تمشي بروحه

شكرا اخي العجيلي ع الموضوع المهم

الرجوع الى أعلى الصفحة اذهب الى الأسفل
http://www.yahoo.com
سهارة
عضو فعال
عضو فعال
avatar

انا من : ليبيا
انثى
العمر : 33
المزاج : مشغول
المهنة : غير معروف
الهواية : المطالعة
عدد المساهمات : 177
تاريخ التسجيل : 25/02/2010

مُساهمةموضوع: رد: المصائف العائلية !!!!!   2010-05-30, 11:20 am

يا اخي العجيلي بارك الله فيك علي هدا الموضوع المهم
بكل صراحة البنت عليها الحق وحتي الشاب ايضا
اولا لو البنت مثلا نابشها شخص المفترض ماتعبراش ولا ادير اي شي يحسسه انها اهتمت باي فعل داره
والحق نشوف فبناويت جريئات جدا لدرجة قلة الادب توصل باها هي يلي تعاكس ,الحق الشباب قريب يولوا هما يلي مطبسين راسهم ولاصقين في الحيط والبنت الله يسامحها
وثانيا الشاب لو انه عارف ربي كويس ماينابشش البنت لانها زي اخته والا اخته يخاف عليها وبناويت الناس لا
وماتحطوش اللوم علي البنت بس حتي لو كانت فاجرة الولد المفروض يخاف ربي ويغض بصرة مش يتسبل ويقول هي السبب غرتني بلبسها او نابشتني لا حتي هو اختبار من ربي ليكم باش تغضوا بصركم

ونهاية الامر سواء بنت او ولد لو عارف ربي وايمانه بالله قوي مايدورش الدوة الفارغة
وياخوي الساحر اللوم ماينحطش علي الاب لانه في من الاباء والامهات يربوا اطفالهم احسن تربيه لكن التربية ماتثمرش فيه لما يكبر يتبع اصدقاء سوء ويدير مايبي وقدام اماليه مايبينش شي نفس الشي البنت تكبر وتتفرج علي مسلسلات ماجنة وافلام وتشوف فبناويت الغرب لبسهم وكلامهم وتعاملهم وتبي تكون زيهم وخلي كانها لقت من يسايرها من الصديقات وتشجعها فلو انها فكرت فربي من الاول وفتربية ونظرة امها ليها وخوتها وخواتها قبل خوفها من المعاتبه والضرب لكانت اتحشمت وراعت حتي امها بالاول
وزي ماقالت الاخت لولي في بناويت محترمات وحتي راسها ماترفعاش مش مخليينها فحالها وحتي لو ماعدلتش يزيد ينابش حسبي الله ونعم الوكيل
ولانه بعض البنات اتخدوا من التحجب موضة فقط او اجبرت عليه من خوها او بوها لكن من داخلها شي تاني فبيقول الشاب انجرب مش خاسر شي نعاكس وكانها مشت معاي كان بها كان هدا تمشي وماتعدلش عليا
اعلم أخي أن أشد الأذى أذى العرض، وإذا كنت لا ترضى أن يؤذيك أحد في أمك أو أختك أو ابنتك أو زوجتك، فكذلك كل الناس لا يرضى ذلك لأهله.
واعلم أيضا أنك كما تدين تدان: فمن وقع في عرض غيره ربما أوقع الله في عرضه غيره.. والأمر كما قال الإمام الشافعي رحمه الله:
يا هاتكًا حرم الرجال وقاطعا .. ... .. سبل المودة عشت غير مكرم
لو كنت حـرًا من سلالة ماجد .. ... .. ما كنت هتاكًا لحــرمة مسلم
من يزن في بيت بألفي درهم .. ... .. في أهلـه يزنى بغــير الدرهم
إن الزنـــا دَيْنٌ إذا أقرضتــه .. ... .. كان الوفا في أهل بيتك فاعلم

وربي يهدي الجميع وسامحوني طولت فالدوة بس الحق موضوع مهم

الرجوع الى أعلى الصفحة اذهب الى الأسفل
http://sbha.yoo7.com/profile.forum
 
المصائف العائلية !!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سبها :: منتدي الحوار و النقاش-
انتقل الى:  
 
أنت الزائر رقم
 
 
 
منتديات سبها
سجل الزوار
free counters