زي ما كلكم تعرفو ان الفترة هذه فترة امتحانات و الطلبة كلهم حاصلين فى حياشهم و مديرين جهدهم
و فيه من طلبة طبعاً زى ايام الأمتحانات زى الأيام العادية ما تفرقش معاهم و كله عندهم واحد
[ندعوك للتسجيل في المنتدى أو التعريف بنفسك لمعاينة هذه الصورة]و أخر يوم فى الأمتحانات ترجع حليمة لعدتها القديمة .. و معادش فيه لا صلاة ولا دعاء خلاص الأمتحانات كملو
و دور الأيام .. يوم بعد يوم .. و يجي وقت النتيجة
تخش الأبلة للفصل و تقوللكم الصحائف بعد غدوة
و يبدو الطلبة يلي عارفين روحهم ان نتيجتهم هكي ولا هكي فيها كعكات يبدا قلبهم يطق
و تلقاهم أول ما يروحو للحوش يرجعو للصلاة زى ما كانو فى ايامات الأمتحانات
لكن المرة هذه الصلاة مش على الأمتحانات .. المرة هذه الصلاة على النجاح
[ندعوك للتسجيل في المنتدى أو التعريف بنفسك لمعاينة هذه الصورة]يا حسرة على ايامات القراية
تي بالله فكوني منكم ما تفكرونيش با ايامات القراية
ايامات لما مدرس الرياضيات يبدا يشرح على الصبورة
[ندعوك للتسجيل في المنتدى أو التعريف بنفسك لمعاينة هذه الصورة] يبدا مدرس الرياضيات يشرح على الصبورة و مداير كل جهده
و دوره تلقاء زوز طلبة مقعمزين فى المقعد الأخير شادين ورقة
ورقة متع كراسة حساب .. كل واحد ورقة حساب و يلعبو في لعبة النقاط
و منو يكمل تنقيط مربعات ورقة الحساب هوا الأول
[ندعوك للتسجيل في المنتدى أو التعريف بنفسك لمعاينة هذه الصورة]يا حسرة على ايامات القراية
تي بالله فكوني منكم ما تفكرونيش با ايامات القراية
ما تفكرونيش بأيامات لما الفصل كله يبدا يعد من واحد للعشرة
و اي طالب يتكلم بعد الرقم عشرة يطبخو طريحة و يهجمو اعليه الطلبة كلهم
و مرات حتى الأبلة تدخل و تستغرب ان الفصل هادي و مافيشي دوشة
ما تعرفش ان الطلبة يلعبو فى لعبة من واحد للعشرة
و يا حليلة الطالب يلي تنوضه الأبلة و تسأله سوأل و يجاوب و يتكلم
بعد ما تكمل الحصة هجوم الطلبة كلهم اعليه
يا حسرة على ايامات القراية
تي بالله فكوني منكم ما تفكرونيش با ايامات القراية
يا حسرة لما تبدا أبلة العربي تشرح على الصبورة و ريقها شايط
و تلقاء طالب كراسته قريب ورقيها يكملو من التقطيع منها
و تلقاء كل مرة يقطع ورقة من كراسته و يصنع فى طائرة وراقية
[ندعوك للتسجيل في المنتدى أو التعريف بنفسك لمعاينة هذه الصورة]يا حسرة على ايامات القراية
تي بالله فكوني منكم ما تفكرونيش با ايامات القراية
ايامات انى كنت مقعمز فى المقعد الأول فى الصفة الوسطية و جي بحداي واحد ما نبيشي يقعمز بحداي
قولولي شنو درتله
جت الأبلة حطت شنطتها على المقعد الأول فى الصفة الوسطية وين ما انى مقعمز و مشت تشرح على الصبورة و خلت شنطتها مفتوحة
نمشي ناخد البيرو متع الولد يلي فى جنبي و حدفته فى شنطة الأبلة
يمشي الولد هذا يلي فى جنبي يدخل يده فى شنطة الأبلة باش ياخد البيرو
و على أساس انى بنسأل الأبلة سوأل .. فقولت عفواً يا أبلة .
هي تلفتت فجأة فلقت الولد يلي فى جنبي يده فى شنطتها
طلعاته البرة مسكين ان شاء الله يسسمحني
يا حسرة على ايامات القراية
تي بالله فكوني منكم ما تفكرونيش با ايامات القراية
تحـــــــــــــــــــــــيــاتـــــــــــــــــــــى
الـــــــــــــــــــــساحــــــــــــــــــــــــــــــر
منتدى بالليبي
2010-05-16, 1:31 pm
