منتديات سبها

بالجودة بيك هلا والله
كيف حالك واحوالك اتشرفنا بزيارتك
لو كنت مسجل يا مراحب وأن كنت
غير مسجل يشرفنا أنك تنضم الى
اسرتنا

منتديات سبها


 
الرئيسيةس .و .جالتسجيلدخول

شاطر | 
 

 الله يرحم ايامات زمان لما كنا صغار

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الساحر
عضو فعال
عضو فعال
avatar

انا من : ليبيا
ذكر
العمر : 31
المزاج : رايق
المهنة : جامعى
الهواية : رياضة
عدد المساهمات : 170
تاريخ التسجيل : 09/12/2009

مُساهمةموضوع: الله يرحم ايامات زمان لما كنا صغار   2010-03-02, 2:55 pm

الله يرحم ايامات زمان لما كنا صغار .. كنت انوض من الساعة 8 الصبح من غير ما نغسل وجهى ناخد هديكة النشيبة و نطلع بيها باش نصطاد عصفور .. ماهو يقولو العصافير وقتهم الصبح تلقاهم كيف نايضين .. بعدين النشيبة بدت امعادش تساعد .. مشيت شريت نصبة .. تلقاني من الصبح تحت الحيوط إنحفر باش نطلع دودة باش انحطها فىالنصبة لما اتجي العصفورة تاكل الدودة اتشدها النصبة ... بعدين يجي وقت البطش .. تلقاني فى عز القايلة شاد هداكة الشخشير يلى فيه كل البطش .. و كل انوع البتش فى هداكة الشخشير من البتش الحلوبي و من البتش الزغدة و بتش القودادة قودة.. البتشة الزغدة هده كنت نحط فيها لما يجى دور الخصم بيلعب اعليا باش ما يضربهاش لأنها زغدة صغيرة .. و لما يجي دورى انى تلقاني نلعب القودة قودة البتشة الكبيرة ... كنا نلعبو و ما نفكرو فى شي .. و يا حسرة على ايامات البلك لما كنا انديرو فيهم مرمة لما نلعبو فى كورة .. ولا ايامات الحارومة .

أنتم يا بنات وين ايامات النقيزة .. و الحبل .. و هديكة اللعبة القفص ريما واللعب سيما اخرج خارج ابقى دقيقة وا اتنان ثم عود لا تتاخر فى الدخول ولا النقيزة امبى شلامبى فتحة ضمة
سمحوني كان فيها خطأ لأن مش حفظها كويس ..

ايامات الكورة كنا نلعبو فيها حفاية مانعرفوش حاجة اسمها سبيدرو .. مرات تروح للحوش رجلك مفتوحة ولا خاش فيها مسمار تلقاء مخزز .. انت فوق ما خاش فيك مسمار فى رجلك و فوق منها تروح و تلقاء أمك موتيتلك هداكة الطوبو امتع الشيشمات على خاطر طلوعك فى عز القوايل .. و بعد ما تاخد هديكة الطريحة بالطوبو تنوض بعدين حنيت الأم بعد ما ضرباتك و تقولك هات رجلك .. و تبدا تضرب فى مكان المسمار المخزز بالطوبو باش يطلع الدم لأن المسمار مخزز مش كويس ..

تدكرو لعبة تلج وامية .. ولا لعبة طول و عرض .. و لعبة بطولة.. ولا لعبة أحكاك .. تلقاء كل واحد جايب من حوشهم حكة زيت و تبدا اللعبة و اللعبة ان كل واحد ما يخليش الخصم يطيحله الحكة امتعه بالكورة ... و مرات تلقاء واحد يدير فى روحه ذكي و معبي هديكة حكة الزيت بالتراب و الشرشور باش حتى لما تضربها الكورة ما اطيح ..

يحلاش لعب البطش والطول والعرض او وابيس وتلج وامية متع شدني و نشد معاك الا فى عز القايلة و الشمس عمودية و تبدا انت حفيان و العرق على الجبهة و تلقاء فى من اولاد يطلع من انوفهم الماء من كثر الجري فى القوايل و بعدها يجي دور بلدية الأكمام بشفط وتنشيف هداكة الماء يلى طالع من الأنف !


و بعدين يذن المغرب نروح للحوش و نلقاء بوي يراجي فيا بهداكة الطوبو لأن طالع من الصبح و انى نلعب و بعد ما يجلدني و يضربني يجي دور امي حتى هي بتضربني لأن ملابسى كلهم تراب و سود من الشارع و هي دهشت من الصابون و غسيل الحوايج و مرات لما تجي بتضربني امي نمشي نجري و نلبد وراء حناي .. و حناي تحلفلها و تقوللها والله ماك ضرباته خلاص جي لحناه هدا ولد حناه ...

بعدها يجي وقت العشي و وجبة العشاء هي عبارة عن صونية فيها قطعة خبز مفتفت و صابين اعليه حليب و تقولك أمك تعالي تعشاء و بعد ما تتعشاء يجي وقت النوم تقولك برا لفراشك أنخمد طيرتوني و فددتوني و جننتوني كل يوم الصابون معرم عندى .



الله يرحم ايامات زمان .. ايام حلوة



مــــع تــــحــــيـــاتــــي لـــكـــم
الرجوع الى أعلى الصفحة اذهب الى الأسفل
http://sbha.yoo7.com
louly
عضو نشيط
عضو نشيط
avatar

انا من : ليبيا
انثى
العمر : 25
المزاج : مصدوم
المهنة : جامعى
الهواية : المطالعة
عدد المساهمات : 139
تاريخ التسجيل : 05/02/2010

مُساهمةموضوع: رد: الله يرحم ايامات زمان لما كنا صغار   2010-03-02, 5:54 pm

هههههههههه ............. شـــــكلك كنت شيطــــان Twisted Evil

ايام حلوة والله ... احلى ايام ايام الطفولة والبراءة

بالعكس ما ماتت قاعدة عايشة فينا

امنور ساحر موضوع مميز

يستحق التقدير
الرجوع الى أعلى الصفحة اذهب الى الأسفل
http://www.yahoo.com
سهارة
عضو فعال
عضو فعال
avatar

انا من : ليبيا
انثى
العمر : 33
المزاج : مشغول
المهنة : غير معروف
الهواية : المطالعة
عدد المساهمات : 177
تاريخ التسجيل : 25/02/2010

مُساهمةموضوع: رد: الله يرحم ايامات زمان لما كنا صغار   2010-05-30, 3:24 pm

الله يرحم ايامات زمان لما كنا صغار
طفولة ايامات ماتتعوضش

الرجوع الى أعلى الصفحة اذهب الى الأسفل
http://sbha.yoo7.com/profile.forum
 
الله يرحم ايامات زمان لما كنا صغار
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سبها :: منتدى بالليبي-
انتقل الى:  
 
أنت الزائر رقم
 
 
 
منتديات سبها
سجل الزوار
free counters