ما يحلاش الميعاد إلا بالقرمة على العباد ..}

السلام عليكم ورحمة الله وبركاته




*



*



مايحلاش الميعاد الا بتقريم العباد ..!!




*


*


الحقيقه وراء ماايحلاش الميعاد الا بقرمة العباد ..!؟

[ندعوك للتسجيل في المنتدى أو التعريف بنفسك لمعاينة هذه الصورة]




نشرحلكم بوسائل الايضاح هع
حلاوة الشعور مش زوز يوشوشو لا
حلاوة الشعور في الشعور نفسه يعني زي السمايلات اللي في الصوره
بصراحه تعبير السمايلات بليغ



*




*





حتى انت يا آدم !!




[ندعوك للتسجيل في المنتدى أو التعريف بنفسك لمعاينة هذه الصورة]








أكيد توا الشباب اللي شافو الصوره
كانو بيعلقو ايه انتم النساوين .. القرمه شغلتكم .. اامتى بتبطلو تقريم ..الخ .
حتى بعض الرجاله فيهم هالطبع بصراحه و اللي تقهر شنو
مرات نشبح واحد يهدرز مع بنات او بنت نقول الله الولد قداش مهتم بحديث االنساء
بعدين تطلع النتيجه واحد من الزوز :
1 - يا كان يقرم معاها .
2 - يا اما التركيز هذا كله باش بعد ما تمشي بيرفع االكلام و بيقرم .





*


*


لكن النساوين أكثر ..


الكل بيقولها انى بروحي نقولها
النساوين يقرمو اكثر كما و كيفاً


حسب تخنيسى (( يعني نظرتي بالسبهاوى)) للموضوع
النساوين اكثر كماً لان المرأه نصف المجتمع و النص التاني صغار و شيابين و رجاله و مرضى و ذوي احتياجات و مجنانين فالبطبيعي النساوين بيقرمو اكثر >> وفقاً لابحاث مركز Nothing makes sense
..


اما كيفاً فا ما نبيش اندوخكم
كلكم عارفين كيف النساوين اكثر من الرجاله كيفاً ..}


*



*



..قرمه خاصه جداُ..



هي القرمه مافيش حد ما يقرمش
بس في اللي هوايه عنده و في اللي على غفلات
و في اللي مسكين يلقى روحه طاايح في فخ القرمه و هو ما يندريش
و في اللي يستقبل بس يعني يفتحلك راس الموضوع وبعدها يسكت
بس النوع الخاص جداً اللي نحكي عليه قرمة العيون
يعني يبدو مقعمزين في ميعاد و وحده تقول كلمه او لابسه لبسه او اي شيء غريب شوي
تنوض وحده تشبح للتانيه و التانيه تشبحلها وقتي ايديروها و كأن متفقين في نفس التانيه
متاع يتبادلو الشبحات و سجليها عندك لماا نروحو نهدرزو فيها ع الارضي >> كيف من قال وتي القرميه و سني الامواس هع
عموماً النوع هذا يصير عفوي فيه اللي متفنن فيه
و يحب تقيد الاحوال طبعاً و يحب القرمه ما يفوتهاش
ويقدر يزبط الطرف المتلقي حتى لو ما يعرفاش و اول مره يشوفه ..



(( مانحسابش لغة العيون فيها قرمه كخخخ ))





*


*


سؤال يبحث عن إجابه ..؟


علاش نبدو تلاته قاعدين مع بعض اول ما ينوض واحد فينا
ضروري نقرموه وقتي قبل حتى ما يفوت زوز ميترو
ماهو هو كان معانا ليش اللي بنقوله في قفاه ما نقولوشي في وجهه قبل ما يمشي ..!؟




*




*




كيف تتصرف في كلمة الحق :



الناس بدت حساسه بكل اكثر من القزاز و كان قولت كلمة الحق كانك طعنت في شرفهم
يعني لو قولتهاا ليهم بيزعلو و لو قولتها في غيابهم تنعد عليك قرمه
الاحسن انك تشدها في قلبك وخلاص

لكن الحق انى ما نقدرش نشد شيء في خاطري يعني اللي في قلبي على لساني

اقسم بالله تقعد تغص فيا لين نقولها
فنطلعها بطريقه من الطريقتين اللي فوق
و تبريري للتانيه خوفا من الزعل و م الاخير كلمة الحق مش قرمه .
فقرمو على راحتكم قصدي قولو كلام الحق على راحتكم .





*



*



زبدة الكلام ..



ما تنسوش ان :



{وَيْلٌ لِكُلِّ هُمَزَةٍ لُمَزَةٍ}



و :



( وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ ) .





*








*









هامش : كان حسيت كتفك اليسار نازل عن كتفك اليمين معناها انت تقرم هلبا و تلقط في ذنوب الناس .. و لو العكس معناها انت اانسان ديما على لسانات الناس و معرض للقرمه .