منتديات سبها

بالجودة بيك هلا والله
كيف حالك واحوالك اتشرفنا بزيارتك
لو كنت مسجل يا مراحب وأن كنت
غير مسجل يشرفنا أنك تنضم الى
اسرتنا

منتديات سبها


 
الرئيسيةس .و .جالتسجيلدخول

شاطر | 
 

 بنات الأسواق وشباب الأسواق و السنتر تحت البالو ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الساحر
عضو فعال
عضو فعال
avatar

انا من : ليبيا
ذكر
العمر : 31
المزاج : رايق
المهنة : جامعى
الهواية : رياضة
عدد المساهمات : 170
تاريخ التسجيل : 09/12/2009

مُساهمةموضوع: بنات الأسواق وشباب الأسواق و السنتر تحت البالو ...   2010-03-02, 2:37 pm

الــــســلام عــــلــــيــــكــــم و رحـــــمـــــة الله و بـــــركــــاتـــــــه

خـــــيــــر عـــــلــــــيــــكـــــم كــــلـــــكــــم مـــــــع بـــــــعـــــض



الموضوع حساس شوية .. و أنا لا أقصد به الأساه الى البنات او الى الشباب .. فقط فى هذا الموضوع لأخد الحيطة و الحذر من هذه الشريحة من الشباب و البنات .. يمكن هذا الموضوع بيزعل بعض البنات والشباب لكن كان ما نزلتش الموضوع هذا مشاكلنا بكل جراءة ما اعتقد أننا حنحلها أو على الأقل نتناقش فيها للبحث عن حل أو اضعف الإيمان أننا نحذر منها الشباب و البنات ...


ما تزعلوش من الصراحة يا بنات ويا شباب

عندي سوأل للشباب ...


إذا سألت أي شاب يكلم فى بنت و سألته تقبل تتزوجها ... شنو بيجوبك ؟؟؟

ممكن تجوبوني قبل ما تشوفو الأجابة يلى مابين القوسين ...

(( طبعاً الجواب حيكون الرفض والسبب ان البنت مدام رضيت تكلمني أكيد بتكلم عشرة غيري و كلمت عشرة قبلي )) ..

تسأله سوأل ثاني ... اعلاش تضحك على بنت الناس مدام ماتبيش تتزوجها ..

ممكن تجوبوني قبل ما تشوفو الأجابة يلى مابين القوسين ...

(( يقولك نتسلي وإذا فيه مقابلات ماعنديش مانع وبصراحة هذا إلي يدورو عليه الشباب ))



^^
^^


نرجع للأثنين الكذابين ...


البنت يلي ديما تجمع في أرقام الشباب وتكلمهم يكون أكيد عندها نقص في تركيبتها فهي تعوض هذا الفراغ بمكالمة اكبر عدد من الشباب ... وطبعا تكون متخصصة في فن النصب والضحك و هذا فن بحد ذاته لا يجيدة سواء بنات التلفونات


معقولة يا شباب و يا بنات بعد كم مكالمة تبوح بحبها للشاب النصاب وهو أيضاً ما يقصرش معها و يكذب عليها يعني يتبادلون سفراء الكذب لسفارة كل واحد فيهم ...


يتصل بيها بعد ما أعطته رقمها و زي ما قولنا هوا الضحية رقم 100 ...

مرة تتصل به و هوا فى صالون الحلاقة ومرة وهو في الشغل و مرة وهو عند الإشارة إذا فتحت حمراء يصكر النقال خايف من المرور إذا فتحت خضراء يرجع الأتصال مرة ثانية ...

و الحوار بينهم يكون كله تفاهة مثلاً سمعتي اخر نكتة 00 شنو رأيك في مقطع الأغنية الأخيرة متع الفنانة فلان الفلاني ...

و بعد ايام معدودة يطلب منها تقابله وهو تبدا تتغلى أعليه و تقوله ... والله يا عيوني نتمني نشوفك لكن ما نقدرش نطلع من الحوش ما عمري ما درتها وأنت والله فاجأتني بطلبك هذا ... بصراحة مستحيل نطلع من الحوش ..

و بعد تغويط و يحلفلها ان هي تطلع معاه .. توافق بعد ما تجيبلة الضغط و السكر ... و هذه كلها سياسة باش هوا يتأكد انها ما تطلع مع اي واحد ...


يمشي هوا ثاني يوم يجري على رجليه بسرعة 150 كيلو متر فى الساعة لأول صاحب ملي عندهم سيارات صقع ( بي ام ) ( أنفنتي ) (قولف الدمعة) .. و تلقاه يتغوط باش يعطي اليوم السيارة باش يطلع بيها على أساس سيارته ... علاقة كلها كذب فى كذب ....

المهم ياخد منه سيارة الفخمة و يرجع بيها للحوش و يمشي ياخد دوش و يتعطر و يحلق وينعم طبعا و يحدد ملابسه ... طبعاً اول لقاء بيكون في مكان عام أو السوق يلى تلاقو فيه أول مرة او عيادة خاصة او مستشفى والأفضل العيادة الخاصة ....

يتصل بيها و يقوللها انى توا قدام العيادة و يعطيها أوصاف السيارة .. بعد عشر دقائق تطلع هي من العيادة تتمخطر على وحدة و نص .. يلى يشوفها يقول تمشي على الدحي خايفة أعليه ين***********ر ... وتركب بجنبة وريحة العطر ما شاء الله تشمها من بعد كيلو متر والمشكلة ان كل الناس الي واقفين عارفين ان هذا يلى فى السيارة قاعد يراجي فيها و ما تربطهمش اى علاقة بينهم ...

طبعا تلقاه هو موتي هدية من يوم يلى قبل اللقاء عبارة عن سلسلة ذهب او سلسلة منقوش عليها اول حرف من اسمة او قارورة و تلقاه مش عارف من وين جاب حق هذه الهدية ... يعنى على خاطرها يدبر اى حاجة باش يرضيها ....

تلقاه واخد هذه الهدية فى جو الـ 70 دينار ... أكيدة لأنها أول مقابلة و أهم مقابلة لأن فيها يتحدد مستقبل هذي العلاقة اما النجاح او الفشل ....

و يلتقي الحبيبين الكذبين فى اول لقاء و تلقاه هوا يحاول انة يفهمها ان قصده شريف وان نهاية هذي العلاقة طبعاً الزواج ...


و البنت تلقاها تكذب أعليه باش تفضي جيوبة زى ما فضتهم مع الي قبلة ... و هي فى جنبه كأنها زوجته أستغفر الله العظيم ...

يلفو بالسيارة و يشريلها هداكة الجيلاطي من المحلات الغالية و هديكة الشكولاطة يلى من النوع الغالي ...

و بعدين يرفعا للمزرعة او الرملة يقوللها (( شفت الصحراء قداش كبيرة كبرالصحراء بأحبك ) وهي ترد علية (( شفت السماء شو بعيدة بعد السماء بحبك ) و أقسم بالله العلي العظيم انهم كذابين

و بعد ما تنتهي المقابلة ترجع هي للبيت و تتصل به و تقوله أني فرحانة فرحانة فرحانة بنطير من الفرحة ...

وهو يقولها نفس الكلام و نفس الكذب ...

بعد ايامات تقوله حبيبي ان بابا يمر بظروف صعبة وانها محتاجة 1000 دينار سلف و تحلف ان هي حترجعهم في اقرب فرصة ...

هوا طبعاً يحمر وجهه و يتعكرش و يخش بعض و معادش يعرف شنو بيرد أعليها غير انتى اتمني بس لو تبي الدنيا كلها انجيبها ليك .... و هي ترد اعليه تسلم يا عمري يا حياتي يا حبيبي يا روحي .. و هوا تلقاه دايب فى الكلام الحلو هذا ..

يمشي هوا على طول يصكر موبايله و يمشي يكمل الع***********ة مع الشباب في القهوة ماهو عرف انها حتنصب علية ... وهي تبدا تراجي فيه و بعدها تتصل بيه و تلقاه موبايله مصكر تعرف ان الفريسة هذه هربت و ما شدتش معاها ....

تمشي هي تحط عبايتها فوق راسها و تمشي طول للسوق و تبدا الفلم نفسه جولة البحث عن فريسة ثانية ....

^^
^^

يا شباب كونو حذرين من هذه الشريحة من البنات ...

و أنتم يا بنات كونو حذرين من هذه الشريحة من الشباب ...





مـــــــــع تـــــــحـــــــيـــــاتـــــي لــــــــكـــــــم
الرجوع الى أعلى الصفحة اذهب الى الأسفل
http://sbha.yoo7.com
 
بنات الأسواق وشباب الأسواق و السنتر تحت البالو ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سبها :: منتدى بالليبي-
انتقل الى:  
 
أنت الزائر رقم
 
 
 
منتديات سبها
سجل الزوار
free counters