منتديات سبها

بالجودة بيك هلا والله
كيف حالك واحوالك اتشرفنا بزيارتك
لو كنت مسجل يا مراحب وأن كنت
غير مسجل يشرفنا أنك تنضم الى
اسرتنا

منتديات سبها


 
الرئيسيةس .و .جالتسجيلدخول

شاطر | 
 

 مسجات بنت بنغازي

اذهب الى الأسفل 
كاتب الموضوعرسالة
hadia
عضو جديد
عضو جديد


انا من : ليبيا
انثى
العمر : 37
عدد المساهمات : 2
تاريخ التسجيل : 24/02/2010

مُساهمةموضوع: مسجات بنت بنغازي   2010-02-24, 4:27 pm

سلمت يداك السلام عليكم أبعث هذا المجموعة البسيطة وأتمن أن تنال الرضا سلامتي (بنت بنغازي)

مسجــــات
1.
العقل أمرايف قال أنريد .. أسماح الطاري غير بعيد.
2. الغالي داير خشم علينا.. حتي بالرنه ناسينا.
3. يا واحشني.. مره ومره برنتك نابشني.. أترايف عليك العين.. يا واحشني.
4. من بين البشر رنتك مجملها.. بالله رن ورنتك طولها.
5. أكسبلك أجر.. سحرهن برنه قبل وقت الفجر لانظار صامن ع الخو.. أكسبلك أجر.
6. يا نفس وين أتحني.. طقي بيبانهم واستني.. نين يفتحوا.
7. لو كان ليك أنذزه.. تنسى قديمك والجديد أتلزه.. عندي غلاء ليك.. لوكان ليك أنذزه.
8. مش سيمتنا.. ننسوا غوالي يعرفوا قيمتنا.. مهما قست لأيام.. مش سيمتنا.
9. عيني شالت فيك نظرها.. ما تقهرها.. ذز جنية وأجبر خاطرها.
10. راهن خطن مجرهن.. يريدن أيجنك يا العزيز أرجاهن.. القلب والعقل والعين.
11. أسباب زهانا.. رسالة ورنة من أصحاب غلانا.. هذين في الدنيا.. أسباب زهانا.
12. عده عده.. نجم السماء في وين أتحقه.. تعرف غلاك بالقيس.. عده عده.
13. من تصبيرهن.. اللي ما عرف الأسباب ينشد خيرهن أشتاقن وأنا مليت.. من تصبيرهن.
14. صاحب صوب عطاني وده*يأخذ عيني كان أتسدة
15. حواسي أنشلن وجسمي وجوفي من بعضهن ملن بعد غيبتك عالعين حواسي أنشلن
16. يلي العقل أيعزك.. ندعي الله مايجيك يوم ايهزك وتدوم فرحتك.. يلي العقل أيعزك
17. ديمة ثقيل عيارك.. العيب والخطا ماينزلن في دارك كيف الذهب.. ديمة ثقيل عيارك
18. لو السما تباهي بوجود القمر فيها حتي الارض تباهي بوجودك عليها
19. وين حنوني.. وين قرعتي من الناس وين أعيوني العين رايفت وقالت.. وين حنوني.
20. حاضر ايقولولك .. القلب و العقل و الروح عبيد ينصاعولك ..انت بس تأمر و هم حاضر ايقولولك.
21. مانتخلا لو يعدموني اعدام في ورفلـه..عليك يادلال العمر مانتخلا
22. كلهم فى كفه.... وانتى عليك اندير مية لفه .. ومانقول ادهشت
23. وتي روحك.. جايك وجايبلك الدوا لجروحك.. ونقعد امعاك اشوي... وتي روحك.
24. خايف إيسير اعباده.. غلاك اللي سطا علي القلب نين تمادا.. يارب سترك
25. نسهى ونقسى إندير روحي ناسي.. نلقاك وسط النبض وبين انفاسي
26. لا تنهيها.. معزة على طول الحياة خليها.. كانك رفيقي صح لا تنهيها.
27. كنك غايب.. لاتقول نشغلهم وراي حبايب.. لا بعتت لاررنيت كنك غايب.
28. سقد روحك ..جيب الدوا داوي عقاب اجروحك ..سطيرك رقا عالكبد سقد روحك
29. هذا طبعي.. نسقي حبيب من نقاوة نبعي.. ان كان تنشدو تلقوه هذا طبعي
30. كابرعليك أريافي..خشيت الجواجي والحشاء وأطرافي.. قريب ننهبل
31. فيه خطوره.. يسبب عطل للعقل صوت وصوره ..غيابي عليكم راه فيه خطوره
32. زاد نكدها .. . بعد غيبتك .. تمت إتسيل وحدها ..العين رايفت بالحيل .
33. ياعزيز إسعافهن .. رزاهن إغيابك لين ماتعرفهن ..خـــود أجرهن .
34. خليتني لليأس ..نسكر ونقتل والذنوب أكداس.. الله إيسامحك .
35. سيبه سية .. يغرق في غلاك لاخطا لاعيبه.. ميت الخاطر فيك ..سيبه سيبه
36. وينه وينه...كواني بنار الغلاه لاكن بينه..الغالي فداه الروح ..وينه وينه .
37. لا مسج جانى ولا سمعت الرنة عزيز فاتنى باجو فيها إن.
38. نلقانك واحشني ...وشوفت اعيونك واعرة ترعشني ..يابال رنتك.
39. ديما اتصير .. يرخى العزيز ويعتني بالغير .. هي كاينة صارت وديما اتصير


[right]
الرجوع الى أعلى الصفحة اذهب الى الأسفل
http://tk19812010@yahoo.com
الساحر
عضو فعال
عضو فعال
avatar

انا من : ليبيا
ذكر
العمر : 32
المزاج : رايق
المهنة : جامعى
الهواية : رياضة
عدد المساهمات : 170
تاريخ التسجيل : 09/12/2009

مُساهمةموضوع: رد: مسجات بنت بنغازي   2010-02-24, 8:31 pm

الله يبارك فيك يا hadia وجزاك الله الف خير شكرا
الرجوع الى أعلى الصفحة اذهب الى الأسفل
http://sbha.yoo7.com
شهـــــد
عضو نشيط
عضو نشيط
avatar

انا من : ليبيا
انثى
العمر : 28
المزاج : عادى
المهنة : جامعى
الهواية : السفر
عدد المساهمات : 146
تاريخ التسجيل : 06/08/2010

مُساهمةموضوع: رد: مسجات بنت بنغازي   2010-08-08, 3:56 am

بالجـــــودة بيكــ وبى بنغــــــــازى ...ومشكــــــورة عالمسجات اسمــــــــــاح
الرجوع الى أعلى الصفحة اذهب الى الأسفل
http://www.sebha.yoo7.com
 
مسجات بنت بنغازي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سبها :: منتدي الموبايل وملحقاته-
انتقل الى:  
 
أنت الزائر رقم
 
 
 
منتديات سبها
سجل الزوار
free counters